خالد مخلص يكتب: كورونا والنقاب
أغرب التعليقات اللي قرأتها في موضوع كورونا أني قرأت من كتب علي النقاب (أي دعوة دعوتيها ايتها المنتقبه لكي ينقب الله العالم رجاله ونسائه) وآخر يقول الوضوء شفتوا الوضوء يعتبر أهم حاجة دلوقتي علشان نحافظ علي نفسنا من الكورونا.
قبل ما أكمل حديثي أحب فقط أن أنوه أني والحمد لله من المحافظين علي الصلاة تمام كدا ؟
بخصوص بقا دعوة الأخت المنتقبة عاوز أقول حاجتين الأولي هل النقاب فرض وفي رأي قطعا لأ وإلا لماذا ترفع المنتقبة نقابها بأمر من الله أثناء الحج مثلا ؟
طيب الأخوات المنتقبات ما فيش فيهم واحدة أصيبت بكرونا مثلا ؟ والأخ اللي بيقول الوضوء أهو يعني ما فيش مسلمين اتصابوا بكورونا مثلاً ؟
لذلك المغالاة في الدين هي من صنعت الإرهاب في عالمنا وصنعت مجرمين اعتقدوا أنهم أصحاب الدين والحق في الحديث بإسم الله علي الأرض.
الدين بريء من تلك الخزعبلات ومن من يرددها .
المرض يعالج بالعلم والمرض يأتي لكل شخص لم يتحوط منه أي كانت عقيدته حتي ولو كان إمام بمسجد أو راهب بكنيسة.
استقيموا يرحمكم الله
