ضم حمو بيكا للمسرح؟ سميرة عبدالعزيز ترد: مينفعش نقدم هلس للجمهور

أكدت الفنانة سميرة عبدالعزيز رفضها التام لضم مؤدي المهرجانات حمو بيكا إلى المسرح، معتبرة أن هذا القرار يضر بالمسرح ويقلل من قيمته.
وقالت خلال حوارها في برنامج "خط أحمر" الذي يقدمه الإعلامي محمد موسى على قناة الحدث اليوم،: "المسرح له احترامه وتقديره، وهو يقدم للناس أعمالًا تفيدهم وتثقفهم، مش الحاجات الهلس اللي نسمعها دلوقتي".
وأضافت: "أنا بحترم المسرح جدًا لأنه علاقة مباشرة بين الفنان والجمهور، أي كلمة أو موقف بنقدمه على المسرح بيأثر في الناس بشكل مباشر، وما ينفعش نقدم أي حاجة تقلل من قيمة المسرح أو تضيع رسالته".
وتابعت: "لو حمو بيكا كان موجود قدامي عشان يعمل نوكت هلس، أنا مش هاقبل ده، لأن المسرح أمانة ومسؤولية، والجمهور اللي بيتفرج عليّ بيستحق الأفضل دائمًا، سواء على المسرح أو عبر الشاشة في السينما أو الدراما أو التلفزيون".