مي كساب: عايزة أبقى أحسن واحدة في العالم وباتمنى الخير لزمايلي
حرصت الفنانة مي كساب أن تدلي بدلوها في قضية الساعة بالساحة الفنية حاليا، وهي "الأعلى مشاهدة" التي أفسدت العلاقة بين عدد من الفنانين، وذلك بعد ردود الفعل الواسعة التي حققها مسلسلها "نون النسوة"، أول بطولاتها المطلقة، وإشادة الناس بأداءها.
وكتبت مي عبر حسابها بموقع فيسبوك: "عاوزة أقول حاجة قبل ما أنام ورزقي على الله، طبعا المنافسة حلوة، وطبعا بأحب نفسي، وعاوزة أبقى أحسن واحدة في العالم، بس من غير غل وحقد وتمني الشر والأذى للغير".
وتابعت: "بأغير طبعا، بس غيرة شريفة، وطبعا لو شوفت حاجة حلوة لازم أقول برافو، وأفرح لغيري خصوصا لو كان موهوب وشقيان طول عمره علشان يوصل للي وصله، وبأقدر جدا اللي بيقدرني وبافرح جدا للي بيفرح لي".
وواصلت: "في الآخر كلنا بيطلع عنينا، وبنشقى ونتعب علشان خاطر نفرح الجمهور، ونبسطهم، مبروك لكل زمايلي اللي بحبهم من قلبي على شغلهم ودايما ربنا يكرمنا ونعمل فن راقي فيه متعة للجمهور ونبقى دايما لسان الشعب وحالهم".
لتعلق الفنانة نشوى مصطفى على كلامها: "تستاهلي الخير كله، جميلة أوي ربنا يراضي قلبك الطيب، ألف مبروك يا حبيبتي".
مسلسل "نون النسوة" تأليف محمد الحناوي، وإخراج إبراهيم فخر، وبطولة مي كساب وندى موسى، ومحمد جمعة، وهبة مجدي، وأحمد الرافعي، وجوري بكر، ومحمود الليثي.
