نجل رجل الأعمال محمد فاروق يكشف عن أهم صفة تعلمها من والده
كشف فاروق ودينا، أبناء رجل الأعمال محمد فاروق عبد المنعم، عن أهم الدروس والقيم التي اكتسبوها من والدتهم نيفين سعدة، مؤكدين أن أهم ما تعلموه هو معنى الأسرة وأهمية الالتزام بالوعد والصدق مع الآخرين.
وقال فاروق في لقاء مع الإعلامية لميس الحديدي مقدمة برنامج "رحلة المليار"، عبر قناة "النهار": "من أكتر الحاجات اللي اتعلمتها منها إزاي أكون بني آدم كويس وإزاي أكون كويس مع الناس اللي حواليا وأهمية العيلة".
وقالت دينا ، أنّ والدتها لم تركز كثيرًا على تعليم الطبخ، لكنها غرست فيهم قيمة العودة دائمًا إلى البيت والعائلة: "ماما معلمتنيش طبيخ أوي، بس هي علمتني أهمية العيلة، يعني دي أكتر حاجة إحنا كنا وإحنا صغيرين دايمًا مع بعض كلنا، بنتخانق آه طبعًا بس في الآخر كانت أهم حاجة علمتها لنا إن دايمًا تقدري ترجعي لحتة في البيت تشيلي همك اليوم هناك".
هبقى محظوظ جدًا لو عرفت أحقق ربع اللي هو حققه
وتحدث فاروق عن رحلته العملية مستلهمًا من تجربة والده محمد فاروق، مؤكدًا أنه يعتبر نفسه محظوظًا إذا استطاع تحقيق جزء بسيط من إنجازاته: "أنا هبقى محظوظ جدًا لو عرفت أحقق ربع اللي هو حققه، واتعلمت حاجات كتير جدًا من الرحلة دي، وأكتر حاجة أنا متعلمها منه إزاي أكون راجل في كلمتي.. اللي إنت تتفق مع عميل، مع صديق، مع أي حد، ده اللي إنت تلتزم بيه".
من جانبها، أشارت دينا إلى رحلة والدها محمد فاروق وأعربت عن إعجابها بقدرته على إدارة أعماله المتعددة في صناعات مختلفة بنفس الوقت، مؤكدة أن جديته وتركيزه على العمل لساعات طويلة سر تميزه: "ما أفتكرش إن حد تاني عنده نفس الرحلة بتاعته، هو بيعمل كل حاجة، مفيش حاجة سايبها.. أكتر حاجة جريئة هو عملها إني استغربت كل الصناعات المختلفة اللي هو دخل فيها في نفس الوقت، أنا ما عرفش مخه بيشتغل كدة إزاي، هو بيشتغل 12 ساعة، إزاي يركز على كل ده".
