خط أحمر
نوفمبر 18 2026 الأربعاء
جمادى آخر 8 1448 هـ 01:46 مـ
خط أحمر
الأربعاء 18 نوفمبر 2026 01:46 مـ 8 جمادى آخر 1448 هـ
نائب رئيس مجلس الإدارةهشام موسي
رئيس مجلس الإدارة محمد موسى
برج الحوت.. حظك اليوم الأربعاء 18 نوفمبر 2026 برج الحمل.. حظك اليوم الأربعاء 18 نوفمبر 2026 الدكتور محمد سيد أحمد يكتب: نتنياهو ومحاولة النجاة الأخيرة!! مدبولي يشهد توقيع بروتوكول لإقامة معرض دائم لمنتجات الأسر المنتجة بالمتحف الزراعي الهلال الأحمر المصري يدفع بقافلة زاد العزة مُحملة بأطنان من المساعدات الغذائية والإغاثية والشتوية إلى غزة مساعد وزير الخارجية: الشراكة مع روسيا تفتح آفاقا واسعة للتنمية بنك قناة السويس يفتتح مصنعا خيريا بمحافظة الجيزة لدعم التمكين الاقتصادي للصم وضعاف السمع والمرأة المعيلة بالتعاون مع مؤسسة مصر للتنمية المؤسسة العلاجية والمجلس القومي للمرأة يوقعان مذكرة تفاهم لإطلاق برنامج متكامل لصحة المرأة بدعم بنك saib.. الأكاديمية العربية الثالث عربيا في تحديات التكنولوجيا المالية برج الثور.. حظك اليوم الأربعاء 18 نوفمبر 2026 برج الجوزاء.. حظك اليوم الأربعاء 18 نوفمبر 2026 برج السرطان.. حظك اليوم الأربعاء 18نوفمبر 2026

هشام موسى يكتب: في بيتنا مدمن !

مبسوط إني بتكلم عن موضوع حساس شوية، لكن مهم جدا.
موضوع يمكن موجود في بيوت كتير، بس بنخاف نتكلم عنه ؛ موضوع اسمه: في بيتنا مدمن.

خليني أبدأ بسؤال بسيط:
هو الإدمان ده عيب؟
ولا مرض؟

الحقيقة يا جماعة، الإدمان مرض…
مرض زيه زي أي مرض محتاج فهم، ومحتاج علاج، ومحتاج ناس تحتوي مش ناس تدين.

الإدمان مش بيبدأ فجأة
مافيش حد صحي من النوم قال: أنا عايز أبقى مدمن
لا…
بيبدأ من فضول، من تجربة، من صحبة وحشة، من هروب من وجع، من ضغط، من فراغ، من كسر نفس
وبعدين واحدة واحدة… يسيطر.

كلمة للشباب:

لو إنت شاب ولسه في أول الطريق
لو حد قالك “جرّب، مرة ومش هتضر”
اسمحلي أقولك:
مفيش حاجة اسمها مرة واحدة
فيه مرة أولى… وبعدها التانية… وبعدها تلاقي نفسك محبوس جوه دايرة مش عارف تطلع منها.

الإدمان مش رجولة
ولا شطارة
ولا هزار
الإدمان بيكسر صحتك، وبيكسر أهلك، وبيكسر مستقبلك
وبيخليك تخسر نفسك واحدة واحدة.

ولو إنت بالفعل وقعت…
عايزك تعرف إنك مش لوحدك
وإنك مش فاشل
وإنك تقدر تقوم
أقوى قرار ممكن تاخده في حياتك هو إنك تقول:
أنا محتاج مساعدة

اطلب المساعدة، كلم حد تثق فيه، روح لعلاج
ومتستسلمش للي يقولك: “ملهاش لازمة”
لأ… ليها لازمة، وإنت ليك لازمة.

كلمة للأهل:

لو في بيتكم مدمن
ابنك، أخوك، جوزك، مراتك
أول حاجة:
بلاش فضايح
بلاش تهديد
بلاش ضرب
بلاش شتيمة

المدمن مش محتاج قسوة
هو أصلاً موجوع
هو محتاج أمان
محتاج حد يقوله:
“أنا جنبك، بس لازم تتعالج”.
اسمعوه
افهموه
ما تراقبهوش كأنه مجرم
راقبوه كأنه مريض.

العلاج مش عيب
والدكتور مش فضيحة
والمستشفى مش سجن

وأهم حاجة ؛ ما تستسلموش
الانتكاسة مش نهاية الطريق
دي جزء من العلاج أحيانًا.

خلّوا البيت بيئة آمنة
كلمة حلوة
حضن
دعوة صادقة
وصبر… صبر كبير قوي.

في الآخر…
عايز أقول لكل شاب، ولكل أم، ولكل أب:
الإدمان ممكن يدخل أي بيت
بس كمان الشفا ممكن يدخل أي بيت.

إيد في إيد
من غير خوف
ومن غير حكم
نقدر ننقذ ناس كتير
ونرجّع بيوت كتير تضحك تاني.

ربنا يحفظ بيوتنا
ويشفي كل مريض
ويجعل كلامنا النهارده سبب في إن حد ياخد خطوة صح.

أهم الأخبار

    xml/K/rss0.xml x0n not found