محمد موسى يهاجم مسلم ونور التوت بسبب سرقة لحن أغنية: انتوا بلاء على الفن
فتح الإعلامي محمد موسى النار على مؤدي المهرجانات مسلم ونور التوت بسبب سرقة لحن أغنية أول حياتي ياما.
وقال محمد موسى خلال تقديم برنامج "خط أحمر" على قناة الحدث اليوم: "بحيي الملحن حسن دنيا بتصديه للناس اللي سرقوا مجهوده وفنه وللأسف الناس دي لما بتسرق ألحان بتبوظها وبتركب عليها كلمات بذيئة ومتدنية وعشان كده قلبي بينشرح لما حد بيتصدي للناس دي وأفضل طريقة ممكن تتصدي بها لمؤديين المهرجانات دول هو أنك تستخدم الورقة والقلم والقانون في مواجهتهم".
تابع: "بكل صراحة الناس دي أصبحت بلاء علي الفن المصري ومفيش عندهم مشكله يبوظوا أي حاجة كويسة المهم يعملوا اللي هما عايزينه وأنا الحقيقة بطلب من الفنان حسن دنيا أن يتقدم بشكوي كمان لنقابة الموسيقيين ويطلب فيها شطب الناس دي منها ... ده إن كانوا أصلاً أعضاء فيها".
